Keni një pronë për ta dhënë me qira, por vini re se qiramarrësit potencialë janë të pakënaqur me vlerën që i keni vendosur? Ky është një tregues që duhet të rikonsideroni gjendjen e shtëpisë.
Mendojeni si për vete, sa e jetueshme është shtëpia që po jepni me qera? Ndonjëherë, muret dhe mobiljet e konsumuara nuk mjaftojnë! Vlera e pronës suaj rritet me anë të rinovitmit.
Investimi në rinovimin e shtëpisë është mënyra më e zgjuar për të rritur vlerën e pronës suaj në Shqipëri. Me rregullimet e duhura dhe pa kosto të jashtëzakonshme, ju mund të përmirësoni jo vetëm pamjen estetike të shtëpisë, por edhe ta bëni atë më funksionale, me efikase dhe më tërheqëse për qiramarrësit, apo edhe blerësit e mundshëm.
Ja disa ide rinovimi që mund të rrisin ndjeshëm vlerën e pronës suaj.
Rikonstruksioni i kuzhinës
Kuzhina është zemra e çdo shtëpie, dhe shpesh herë është ambienti kryesor që qiramarrësit vëzhgojnë. Mund ta përmirësoni kuzhinës duke instaluar pajisje të reja e funksionale, më moderne, dollape të reja dhe materiale cilësore.
Rinovimi i tualeteve
Tualetet e reja janë një tjetër element që rrit vlerën e pronës. Konsideroni përmirësimin e tualeteve duke shtuar pajisje bashkëkohore, ndriçim të mirë dhe pllaka cilësore. Rinovimi i tualeteve jo vetëm që përmirëson pamjen e përgjithshme të shtëpisë, por po ashtu rrit ndjeshëm rehatinë dhe funksionalitetin e saj.
Izolimi termik
Izolimi termik i shtëpisë është një investim që ia vlen. Instalimi i dritareve me dopio xham, izolimi i mureve dhe tavaneve, si dhe përmirësimi i sistemit të ngrohjes/ftohjes, jo vetëm që do të ulë kostot e energjisë, por do të bëjë që shtëpia juaj të jetë më e kërkuar në treg.
Rigjallërimi i hapësirave të pabanuara
Nëse keni një hapësirë të pazhvilluar siç është bodrumi apo papafingoja, konsideroni ta ktheni atë në garsoniere, apo shtëpi me më shumë dhoma, në bazë të hapësirës. Në këtë rast, mëqenëse hapësira është më e “sajuar”, konsideroni një mobilim të përshtatshëm për kursim hapësire dhe funksionalitet.
Përmirësimi i hapësirave të jashtme
Pamja e jashtme është gjëja e parë me të cilën klientët potencialë përballen, shija e parë që marrin nga një pronë. Investoni në përmirësimin e kopshtit, verandës si dhe fasadës së shtëpisë. Nëse pamja e jashtme është e mirëmbajtur, kjo mund të përmirësojë ndjeshëm përshtypjen që shtëpia juaj bën te blerësi.
Ndërsa këto përmirësime nuk vijnë pa kosto, rezultati – jo dhe aq – aftagjatë ia vlen padyshim! Rinovimi rrit ndjeshëm vlerën e një pronë, duke i bërë si qiradhënësin, dhe qiramarrësin, më të lumtur. Kijeni parasysh, marrëveshjet me dy palët të kënaqura janë gjithmonë më frytdhënëse!
